डॉ. प्रवीण पाटील हे प्रसिद्ध संधिवात तज्ज्ञ असून संधिवात व तत्सम रोगप्रतिकारशक्तीच्या आजारांवरील आधुनिक उपचार पद्धती संदर्भात त्यांचा दांडगा अनुभव आहे. इंग्लंड मधील आपल्या दहा वर्षांच्या वास्तव्यामध्ये संधिवात व रोगप्रतिकार शक्तीचे आजार या विषयात त्यांनी दांडगा अनुभव संपादन केला आहे. युनिव्हर्सिटी कॉलेज लंडन, रॉयल फ्री, व्हिप्स क्रॉस व साऊथएंड युनिव्हर्सिटी अशा प्रतिष्ठित हॉस्पिटलमध्ये त्यांनी काम केले आहे. भारतात परतण्यापूर्वी ते 'साऊथएंड युनिव्हर्सिटी हॉस्पिटल' येथे संधिवात तज्ज्ञ म्हणून कार्यरत होते.त्यांच्या नावे अनेक लेख व वैज्ञानिक साहित्य प्रकाशित झाले आहे. अमेरिकन कॉलेज ऑफ रुमॅटोलॉजी व ब्रिटीश सोसायटी ऑफ रुमॅटोलॉजी या संस्थांच्या आंतरराष्ट्रीय परिषदांमध्ये त्यांनी आपले संशोधन सादर केले आहे.